گاڤ

بۆ جارا ئێکێ ل سەر ئاستێ ئیراقێ و هەرێما کوردستانێ، پەیمانگەها پیڤەرێن کلینیکی و تاقیگەهی یا ئەمریکی (CLSI) مۆلەتا کلینیکی یا نەخۆشییێن فتریاتان (کەروویان) پێشکێشی (پ.د. ئاسیا عەبدولحەمید محەمەد) کر.

پ.د. ئاسیا عەبدولحەمید، کو تایبەتمەندا گشتی یا مایکرۆبایۆلۆجی و تایبەتمەندا هویر یا مایکرۆبایۆلۆجی یە، ئەڤ ناسناڤە ژبەر کار و خزمەتێن وێ د بیاڤێ مایکرۆبایۆلۆجی و فتریاتان دا پێ هاتە دان. ب ڤێ یەکێ ژی، ئەو دبیتە ئێکەم دکتۆرە ل سەر ئاستێ ئیراقێ و هەرێما کوردستانێ کو بشێت ڤی ناسناڤێ زانستی یێ بلند بدەستڤەبئینیت.

ئەڤ دەستکەفتە وەک گاڤەکا گەلەک گرنگ دهێتە هژمارتن بۆ نۆشدارییا تاقیگەهێ ل ئیراقێ و هەرێما کوردستانێ، ب مەرەما پێشڤەبرنا پیڤەرێن تاقیگەهی و بلندکرنا ئاستێ کوالێتییا دەستنیشانکرنا نەخۆشییان ب رەنگەکێ زانستی و جیهانی.