گاڤ

فەرماندەیا ناڤەندى یا ئەمریکا راگەهاند، هێزێن وان سیستەمەکێ نوى یێ هاڤێتنا مووشەکان بەرهەڤ دکەن و ناڤێ وى ژى هایمارسە.

فەرماندەیا ناڤەندى یا ئەمریکا سێنتکۆمێ دیارکر، هێزا مارێنز یا ئەمریکا د چارچۆڤێ ئۆپەراسیۆنا خۆ دا سیستەمێ هاڤێتنا مووشەکان هایمارس بۆ هێرشان ئامادە دکەن، ئەو سیستەمە دوورهاڤێژە و ل سالا 2005ێ ب فەرمى ئەمریکا ئەو ئێخستییە د ناڤا خزمەتێن سوپایى دا.

سیستەمێ هایمارس ئێک ژ بهێزترین سیستەمانە و کارتێکرنەما مەزن ل سەر جهێن هێرشان دکەن و ئارمانجێن خۆ سەدێ سەد د ئینیت.

کێشەیا سیستەمى 13 هزار و 500 کیلۆگرامە و درێژییا وى شەش مەتر و 90 سانتیمەترە و پانییا وى ژى دو مەتر و نیڤن، بلنداهییا وى ژى سێ مەترن.

تیمێ وێ ژ سێ کەسان پێک دهێت کو شوفێرەک و فەرماندە و هاریکارەک و تێچوویێ دروستکرنا وێ ژى بۆ ئێک پارچە پێنج ملیۆن دۆلارن.