مقاوەما ئیسلامى ل ئیراقێ: دو حەفتییان دێ هێرشان ل سەر ناوچێ راگرین
بەلاڤ بکە
گاڤ
گرۆپێن چەکدار یێن ئیراقى کو خۆ ب مقاوەما ئیسلامى ل ئیراقێ ددەنە دیارکرن بڕیار دا بۆ دەما دو حەفتییان هێرشان ل ئیراقێ و ناوچێ رابگرن.
ئەڤ هەلوەستێ مقاوەمێ پشتى ئاگربەستا ئەمریکا یە ل گەل کۆمارا ئیسلامى یا ئیرانێ کو دوهى ب رێکا پاکستانێ ئەو ئاگربەستە هاتییە راگەهاندن.
ئەڤرۆ بەرێ سپێدێ مقاوەما ئیسلامى ل ئیراقێ نویترین هەولوەستێ خۆ ئاشکراکر و دیارکر، ئەو بۆ دەما دو حەفتییان دێ هێرشێن خۆ ل ئیراق و ناوچێ راگرن.
هەر ژ دەستپێکرنا شەڕێ ئەمریکا و ئسرائیل ل گەل ئیرانێ کۆمەکا گرۆپێن چەکدار کو شیعە مەزهەبن و ئیران پشتەڤانییێ لێ دکەت، دەهان هێرش ل سەر بنگەهـ، ناڤەند و کونسلخانەیێن ئەمریکا ل ناوچێ و هەرێما کوردستانێ کرینە.
د 39 رۆژێن شەڕى دا وان گرۆپێن چەکدار 831 هێرش ب ستۆیێ خۆ ڤە گرتینە و پترییان وان ژى ل ئیراقێ و هەرێما کوردستانێ بووینە و ب درۆنان هێرش هاتینە کرن.
