گاڤ

دەستهەلاتا فڕۆکڤانییا ئیراقێ راگەهاند، ئەسمانێ ئیراقێ ل هەمبەرى لڤینا فڕۆکەیان دێ هێتە ڤەکرن، ئەڤرۆ ئێڤارى گەشتێن ئەسمانى دێ دەستپێکەن.

پشتى 40 رۆژێن شەڕێ ئەمریکا و ئسرائیل ل گەل ئیرانێ کو هەر 72 دەژمێران ئەسمانێ ئیراقێ ل هەمبەرى هاتنوچوونا فڕۆکەیان دهاتە دائێخستن، ئەڤرۆ دەستهەلاتا فڕۆکڤانى بڕیارەکا دى دا.

بەنگین رێکانى، سەرۆکێ دەستهەلاتا فڕۆکڤانییا ئیراقێ راگەهاند، ئەسمانێ ئیراقێ ل هەمبەرى لڤینا فڕۆکەیان دێ هێتە ڤەکرن، ئەڤرۆ ئێڤارى گەشتێن ئەسمانى دێ دەستپێکەن.

ژبەر شەڕێ ل دەڤەرێ سەدان وەلاتییێن بیانى ل ئیراقێ و هزاران وەلاتیێن ئیراقى ژى ل دەرڤەیى وەلاتى مابوون و ئەگەر ژى بۆ راوەستاندنا گەشتان دهاتنە ڤەگەڕاندن، ل دەمەکى حکومەتا ئیراقێ ب رێکێن دپلۆماسى ل گەل هژمارەکا وەلاتان دەهان کەس ڤەگەڕاندنە ئیراقێ.