گاڤ

پشتی راگەهاندنا ئاگربەستا شڤێدی د ناڤبەرا ئەمریکا و ئیرانێ دا بۆ دەمێ دو حەفتییان، سەرۆکێ ئەمریکا راگەهاندنەکا نوی بەلاڤکر.

دۆنالد ترەمپ نڤیسییە "ئەمریکا دێ ژ نێزیک ل گەل ئیرانێ کار دکەت، ئەم پشتراستبووین کو گوهۆڕینەکا بنەرەتی د رژێمێ دا هاتییە کرن. ئێدی پیتاندنا یۆرانیۆمی ل ئیرانێ نەما، ئەمریکا دێ ب هەڤکاری ل گەل ئیرانێ کارکەت ژ بۆ دەرخستنا تۆزا ئەتۆمی د بن ئەردی ڤە. پشتی هێرشا مە یا ل سەر بنگەهێن ئەتۆمی هێشتا ئەو جهە نەهاتینە لڤاندن".

هەروەسا نڤیسییە "ئەم یێ دانوستاندنان دکەین، دێ دانوستاندنان ل دۆر کێمکرنا باجا گۆمرکی و سزایان کەین نوکە رێککەفتن و رازیبوون ل سەر ژمارەکا 15 خالان هاتینە کرن".

دۆنالد ترەمپی د پۆستەکێ دا راگەهاند: سەرۆکێ ئەمریکا هەر وەلاتەکێ چەکی ب فرۆشیتە ئیرانێ دێ ٪50 باجا گۆمرکی دانمە سەر بەرهەمێن وان یێن دفرۆشنە ئەمریکا. چ لێخۆشبوون و بژارە ژی بۆ چ وەلاتان نابن.