گاڤ

سەرۆکێ ئەمریکا هەمی ئەو لیست و رێککەفتن رەتکرن یێن کو ل دۆر دانوستاندنێن واشنتۆن و تەهرانێ د راگەهاندنان دا هاتینە بەلاڤکرن و راگەهاند، دێ لێکۆلینەکا فیدرالی بۆ ئاشکراکرنا وان "فێلبازان" دەستپێکەت یێن کو زانیارییێن نەراست بەلاڤ دکەن.

ئەڤ پێشهاتە پشتی وێ چەندێ دهێن کو بەرپرسەکێ بلند یێ کۆچکا سپی راگەهاند، ئەو پلانا 10 خالی یا میدیایێن ئیرانێ بۆ ئاگربەستێ بەلاڤکری، نە هەمان ئەو رێککەفتنە یا واشنتنۆنێ رازیبوون ل سەر دایی.

چارشەمبییێ 8ێ نیسانا 2026ێ، دۆنالد ترەمپ د ەژمارا فەرمی یی یا خۆ دا ل پلاتفۆرما "تروس سۆشیال" راگەهاند: "چەندین رێککەفتن، لیست و نامە ژ ئالیی هندەک کەسان ڤە دهێنە بەلاڤکرن کو چو پەیوەندی ب دانوستاندنێن ئەمریکا و ئیرانێ ڤە نینن، د پترییا حالەتان دا ئەڤە فێلباز و خرابترن ژی."

ترەمپی ئاماژە ب وێ چەندێ کر ،پشتی ب دویماهیهاتنا لێکۆلینێن فیدرالی، ئەو ئالییە بلەز دێ هێنە شەرمزار کرن. سەرۆکێ ئەمریکا تەکەز کر"بتنێ ئێک گرۆپ ژ خالێن مانادار هەیە کو ئەمریکا قەبویل دکەت و د دەما دانوستاندنان دا ل پشت دەرگەهێن دائێخستی بەحس لێ دکەین."

ترەمپی ل دۆر ئاگربەستێ گۆت: ئەڤ خالە بنەمایێ وێ ئاگربەستێ یە یا کو ل سەر رێککەفتین و ب "تشتەکێ لۆجیکی" وەسف کرن.

د هەمان دەم دا، هێرش کرە سەر تۆرا نووچەیی یا "سی ئێن ئێن" و ب بەلاڤکرنا "نووچەیێن سەختە" تۆمەتبار کر. ئاماژە ب وێ چەندێ ژی کر کو "سی ئێن ئێن"ێ شەڤا بۆری نووچەیەک ل سەر زارێ ژێدەرەکی بەلاڤکرییە کو چ دەستهەلاتەک نەبوویە نامەیەکا ب وی قەبارەیی بنڤیسیت و بانگەشەیا هەبوونا زانیارییان بکەت.

تەهرانێ د بەیانەکێ دا داخوازا بەردەوامییا پیتاندنا یۆرانیۆمێ و کۆنترۆلکرنا دەرتەنگا هورمزێ کربوو، لێ واشنتۆنن تەکەزێ ل رامالینا بەرمایکێن ئەتۆمی و ڤەکرنا درەتەنگێ دکەت.

هەروەسان خالەکا دی یا ناکۆکییێ بابەتێ لوبنانێ بوو ئیرانێ راگەهاندبوو، ئاگربەست دێ لوبنانێ ژی ڤەگریت. د بەرانبەر دا  ئیسرائیلێ رەت کر کو لوبنان پشکەک بیت ژ ئاگربەستێ و د هێرشەکێ دا ل رۆژا چارشەمبییێ 8ێ نیسانێ بۆ سەر بەیرووتێ، 89 کەس هاتنە کوشتن و ب سەدان کەسێن دی ژی بریندار بوون.

د دەمەکێی دا بڕیار بوو نوینەرێن ئیران و ئەمریکا بۆ دانوستاندنەکا ئێکسەر ل ئیسلام ئابادا پایتەختێ پاکستانێ کۆمببن، ئیران رتت دکەت دانوستاندنان بکەت ئەگەر هات و ئاگربەست لوبنانێ ژی ڤەنەگریت.

شەڕێ ئیرانێ یێ کو ل 28ێ شوباتا بۆری دەستپێکری، نوکە د قویناغا ئاگربەستەکا "نازک" یا دو حەفتییێ دا یە.