گاڤ

محەممەد شیاع سوودانی و ئیمانوێل ماکرۆن ب تەلەفۆنێ ئاخڤتن. گرتنا وان کەسان بۆ ماکرۆنی راگەهاند، کو بەرپرس بوون ژ هێرشەکێ ل سەر هێزێن فڕەنسا ل هەولێرێ.

شەڤا 12ێ ئادارێ هێرشەکا درۆنێ ل سەر بنکەیەکێ پێشمەرگەیی ل سنۆرێ مەلا قەرە، کو شیرەتکار و راهێنەرێن سەربازی یێن فڕەنسی لێ ئاکنجی بوون و ژ بەر وێ چەندێ حەفت ژ وان بریندار بوون. رۆژەکێ پشتی وێ ئیمانوێل ماکرۆن گیانژدەستدانا ئێک ژ برینداران راگەهاند، ناڤێ وی ئارنۆ فریان بوویە و پلەیا وی ئەفسەرێ بلندبوویە د فەوجا 7ـێ یا هێزێن چیانشین دا.

چارشەمبیێ 8ێ نیسانا 2026ێ، نڤیسینگەها راگەهاندنا سەرۆکوەزیرێن ئیراقێ بەلاڤکر، محەممەد شیاع سوودانی ب رێیا پەیوەندییەکا تەلەفۆنی ل گەلک ئیمانوێل ماکرۆن، سەرۆککۆمارێ فڕنەنسا ئاخڤت. د پەیوەندییێ دا بەحس ل بزاڤێن راگرتنا شەڕی و چەسپاندنا ئاگربەستێ بۆ پاراستنا سەقامگیرییا دەڤەرێ و جیهانێ هاتە کرن.

نڤیسینگەهـ دبێژیت: هەردو سەرۆکان ب هویربینی بەحس ل وان هێرشێن "ب ئێش" کر، یێن ل رۆژا چارشەمبییێ ل سەر وەلاتی لوبنانێ هاتینە کرن و کارتێکرنێن وان یێن خراب ل سەر ئاسایشا دەڤەرێ کر. سوودانی و ماکرۆن تەقەز ل سەر پێدڤییا راگرتنا بلەز یا هێرشان و پاراستنا گیانێ سڤیلان کر.

نڤیسینگەها سەرۆکوەزیرێن ئیراقێ ئاماژە ب وێ چەندێ دکەت، د پەیوەندییێ دا سوودانی سەرۆکێ فڕەنسا ژ سەرکەفتنا هێزێن ئەمنی یێن ئیراقێ د گرتنا وان کەسان دا ئاگەهدار کرییە یێن کو "دەست ل گەل ئاراستەکرنا درۆنەکێ بۆ سەر بنکەیەکێ هەڤپەیمانان ل نێزیک هەولێرێ هەیی، ژبەر وێ چەندێ ئەفسەرەکێ فڕەنسی هاتبوو کوشتن."

سوودانی دوپات کرییە، ئیراق پێگیری سەروەریا یاسایێ ل هەمی دەڤەران و پاراستنا هێزێن هەڤپەیمانییا ناڤدەولەتی هەیە.

ژ ئالییەکێ ئالییەکێ ڤە، سەرۆکێ فڕەنسا پەسنا رۆلێ ئیراقێ د سەقامگیرییا دەڤەرێ دا کر. ماکرۆن پیرۆزباهییێن خۆ ئاراستەیی سوودانی کر ب هەلکەفتا سەرکەفتنا هەلبژارتییێ تەپاپێ یێ ئیراقێ بۆ مۆندیالێ. هەروەسان کەیفخۆشییا خۆ دیارکر کو هەردو هەلبژارتییێن ئیراق و فڕەنسا د ئێک کۆمەلە دا بەرامبەر ئێک یارییێ دکەن.