گاڤ

رۆژنامەیا وۆل ستریت جۆرنال راگەهاند، ئەمریکا مژوولى ئامادەکرنا پلانەکێ یە بۆ سزادانا هەژمارەکا وەلاتێ، ئەورۆپى یێن ئەندام د ناڤا ناتۆییێ دا، ئەڤ یەکە ژى وەک هەلوەستەکى یە همبەرى نەپشتەڤانیکرنا واشونتون د شەڕێ ل گەل ئیرانێ دا.

ئەڤرۆ پێنجشەمبێ رۆژنامەیا وۆل ستریت جۆرنال راپۆرتەک بەلاڤکریە و دیارکریە، ئیدارەیا دۆنالد ترەمپ، سەرۆکێ ئەمریکا دبینیت هندەک وەلاتێن ئەندامێن ناتۆیێ کو یێن ئێکەتییا ئەورۆپانە ل دەما شەڕێ ل گەل ئیرانێ هاریکارییا ئەمریکا نەکریە و ئەمریکا دێ وان سزا دەت و دبیت ژى هێزێ ژ وان وەلاتان ڤەکێشیت.

زانیاریێن جۆرنالێ ژ بەرپرسێن ئەمریکى هاتینە وەرگرتن و دیارکریە، ئەو هێز پشتى دهێنە ڤەکێشان دێ ل وان وەلاتان هێنە بنەجهکرن یێن پشتەڤانییا ئەمریکا کرى.

ئەو وەلاتێن بەرپرسێن ئەمریکا ناڤێن وان بۆ رۆژنامێ ئیناین ئسپانیا و ئەلمانیانە کو ئەگەر سزا ژى نەدەت ب کێمى دێ هێزێ ژ وان هەر دو وەلاتان ڤەکێشیت