گاڤ

 ژ بەر رویدانێن یاریا دهۆک ل گەل هەولێرێ یانەیا دهۆک و جەماوەرێ وێ هاتنە سزادان.

لژنەیا دسپلینێ یا فدراسیۆنا تەماپێ یا ئیراقێ ئەڤرۆ ل دۆر سکالا یانا هەولێرێ ژ بەر رویدانێن یاریا ل گەل یانەیا دهۆک کۆمبوو د راپۆرتا خۆ دا نڤێسییە:

د خۆلەکێن 14، 20 و 29ێ دا، جەماوەرێ یانەیا دهۆک دروشمێن نەجوان دژی گۆتینە دادڤانی، د خۆلەکا 65ێ دا،پشتی تۆمارکرنا گۆلێ، جەماوەرێ دهۆک بتلێن ئاڤێ و ئالایێن پشتەڤانییێ گرتینە جهێ یەدەکێن یا یانەیا هەولێرێ، د خۆلەکا 80ێ دا و پشتی گۆلا دوێ، جەماوەرێ دهۆک ب بتلێن ئاڤێ، بەر و داران هێرش کریە سەر جەماوەرێ هەولێرێ.

هەڤدەم گۆتییە ژی: پشتی ب دویماهی هاتنا یاریێ ژی، جەماوەرێ دهۆکێ بتلێن ئاڤێ و قودیکێن ڤەخوارنێن غازى گرتینە تیما دادڤانان.

ژبەر ڤان ئەگەران، لژنێ بریار دا:

بێبەهرکرنا جەماوەرێ یانەیا دهۆک ژ ئامادەبوونێ ل وی ئالییێ یاریگەهێ یێ بەرامبەر مەقسۆرێ بۆ ئێک یاری، ب مەرجەکێ ئەڤ چەندە کارتێکرنێ ل تکتێن تیما مێهڤان نەکەت.

هەروەسا سزادانا یانەیا دهۆک ب کوژمێ (5,000,000) پێنج ملیۆن دینارێن ئیراقی.

ل دیماهییێ ئاماژە کریە: ئەڤ بریارە ب کۆما دەنگان دەرکەفتیە و یانا دهۆک مافێ تێهەلچوونێ (استئناف) یێ هەی.