گاڤ

ساخلەمییا هەرێمێ راگەهاند، سەرپێچکارێن برینێن غەزلان مەولان چارە نەکرین دێ گەهنە سزایێ خۆ و نابیت سازیێن ساخلەمییێ ب کەڤنە ژێر چ فشارا و نیازپاکییێن سیاسى.

وەزارەتا ساخلەمییا حکومەتا هەرێما کوردستانێ راگەهاند، پشتى رەوانەکرنا بریندار غەزلان مەولان ژ نەخۆشخانەیا شۆڕش یا دەزگەهێ ساخلەمییا پێشمەرگەى بۆ نەخۆشخانەیا بەخشین یا کەرتێ تایبەت و رێکارێن نۆشدارى هەمبەرى وێ نەهاتینە وەرگرتن و بوویە ئەگەر ژیانا خۆ ژ دەست بدەت، وەزارەت دویفچوونێ دکەت.

هەروەسا ئاشکراکریە، وەزارەتا ساخلەمییێ ل گەل ساخلەمییا سلێمانیێ ل سەر خەت بوویە و دێ رێکارێن یاسایى و ل هەمبەرى وان کەسان هینە وەرگرتن یێن خەمساربووین.

هەروەسا سازیێن ساخلەمییێ ژى ئاگەهدارکرن کو پێدڤییە هەردەم ب ئەرکێ خۆ یێ مرۆڤانە و پارستنا گیانێ هەر کەسەکى رابن و نابیت سازیێن ساخلەمییێ ب کەڤنە ژێر چ فشار و نیازپاکییێن سیاسى.