گاڤ

بالیۆزخانەیا ئەمریکا ل بەغدایێ هۆشدارى دا وەلاتییێن خۆ و راگەهاند، هەر نوکە ژ ئیراقێ دەرکەڤن و بۆ وان یێن نیاز هەیى ئامۆژگارى دانێ کو سەرا ئیراقێ نەدەن.

بالیۆزخانەیا ئەمریکا ل بەغدایێ راگەهاند، میلیشایێن تیرۆرستێن ئیراقى یێن هەڤەپمیانێن ئیرانێ بەردەوامن بۆ دانانا پلانان بۆ هێرشان ل دژى وەلاتیێن ئەمریکى و ئارمانجێن پەیوەندیدار ب ویلایەتێن ئیکگێرتى ڤە ل سەرانسەرى ئیراقی و د ناڤا وان دا هەرێما کوردستانێ ژى.

هەروەسا ئاشکراکر، هندەک ئالیێن پەیوەندیدار یێن حکومەتا ئیراقێ ب شێوەیەکێ کارا پشتەڤانییا سیاسى، دارایى و ئۆپەراسیۆنێن وان میلیشیایێن تیرۆرست دابین دکەن.

دیاردکەت ژى زێدەبارى هندێ ئاسمانێ ئیراقێ ڤەکریە و گەشتێن بازرگانى یێن سنۆردار دەستپێکرینە لێ پێدڤە ئەو ئەمریکییێن هزر د گەشتکرنا ب رێکا ئەسمانى دکەن ئاگەهداری مەرتسییا مۆشەک و درۆنان بن.