گاڤ

سۆپایێ پاسدارێن ئیرانێ دوبارە گەفێن هێرشان ل ئەمریکا کرن و ژێدەرێن فەرمی ژی دبێژن، ئیران نوکە دو پشکە، پشکەک دخوازیت دانوستاندنان بکەن، پشکەکا دی ژی رێکێ نادەن.

سۆپایێ پاسداران د راگەهاندنا خۆ دا دیارکر: شەڕ دەستپێبکەت دێ مە سۆپرایزێن مەزن بۆ دوژمنی هەبن. بنگەهـ و بەرژەوەندییێن وان ل دەڤەرێ دێ ب چری هێنە ئارمانجکرن. مۆشەک و درۆنێن مە ئەمریکا و ئسرائیل ئێخستنە سەر چۆکان و نەچارکرن هیڤیان بۆ ئاگربەستێ بکەن.

هەروەسا نڤیسییە: مەیدان بۆ لێدانا خالێن گرنگ یا ڤەکرییە و رێکێ نادەین دوژمن دوبارە شیانێن خۆ یێن ستراتیژی رێکبێخیت و هێزا خۆ دیار بکەت. دەڤەر نوکە یا ل سەر لێڤا رژێمەکا هەرێمی یا نوی و دێ دەڤەرەکا نوی یا ڤالا ژ هیزێن بیانی بینین.

ئیرانێ رەتکر پشکداری ڤێ گەڕا دانوستاندنان ل پاکستانێ ببیت.

ئەمریکا دبێژیت: دەستهەلاتدارێن ئیرانێ بووینە دو پشک، نەشێن بریارەکا ئێکلاکەر بدەن.