سەرۆک نێچیرڤان بارزانی: رۆژنامەگەرییا ئازاد هەڤپشکا ئاڤاکرنا دەستهەلاتەکا باش و دادپەروەرە
بەلاڤ بکە
گاڤ
پەیامەک ژ سەرۆک نێچیرڤان بارزانی، سەرۆکێ هەرێما کوردستانێ ب هەلکەفتا رۆژا رۆژنامەگەرییا کوردی و دامەزراندنا سەندیکا رۆژنامەڤانێن کوردستانێ.
دەقێ پەیاما سەرۆک نێچیرڤان بارزانی:
"یادا 128 سالییا دەرکەفتنا ئێکەم رۆژنامەگەرییا کوردی و 28 سالییا دامەزراندنا سەندیکا رۆژنامەڤانێن کوردستانێ ب گەرمی ل هەمی رۆژنامەڤان و میدیاکارێن کوردستانێ پیرزۆ دکەم".
"جارەکا دی دۆپاتییێ ل پابەندییا خۆ یا نە گوهۆر ل هەمبەر پاراستنا ئازادییا رۆژنامەڤانی و رادەربرینێ دکەین، وەک بنەمایەکێ سەرەکی یێ دیمۆکراسی و جڤاکا مەدەنی یا پێشکەفتی".
"دێ بەردەوام کار بۆ بەردەستکرنا ژینگەهەکا گونجایی و دویر ژ هەر ئالۆزییەکێ بۆ کارێ میدیایی کەین، ب جۆرەکێ کو مافێ گەهشتنا زانیارییان یێ مسۆگەر بیت و پارێزبەندییا پیشەیی بۆ رۆژنامەڤانان دابین بکەت".
"رۆژنامەڤانییا ئازاد و ب وێرەک هەڤپشکەکا کاریگەر یا ئاڤاکرنا دەستهەلاتەکا باش و دادپەروەرە، ژبەر ڤێ یەکێ داخوازێ ژ رۆژنامەڤانان دکەم ب راستگۆیی و پیشەیی، بەرژەوەندییێن گشتی و ئاشتییا جڤاکی ب پارێزن و رۆلێ خۆ د چەسپاندنا کلتوورێ پێکڤەژیانێ، هەڤدوقەبویلکرن و لێبوورینێ بگێرن و گرنگییێ ب گیانێ نشتیمانپەروەری و ڤیانا وەلاتی بدەن".
