گاڤ

راگەهاندنەک ژ پارتییا ئازادییا کوردستان ل دۆر هێرشا بەرێ سپێدەیا ئەڤرۆ ل سەر بارەگەهەکێ وان.

د راگەهاندنا پارتییا ئازادییا کوردستان دا هاتییە: بەرێ سپیدەیا ئەڤرۆ دەمژمێر 1:24 ب چار درۆنان هێرشی بارەگەهەکەێ مە یێ سۆپایێ مللی کوردستان هاتەکرن. د ڤێ هێرشا درۆنی دا 4 پێشمەرگە برینداربووینە.

ئەڤ هێرشە ب دو دەمژمێران پشتی درێژکرنا دەمێ ئاگربەستێ بوو ژ ئالیێ دۆنالد ترەمپی ڤە.

هەروەسا هاتییە:  ئەڤ پێشمەرگەیێن برینداربووین قەهرەمانێن شەڕێ سێ سالێن دژی داعشێ بوون.

ژ رۆژا 28ێ شوباتێ و تا ئەڤرۆ، هەرێما کوردستانێ ب 732 درۆن و مۆشەکان هاتییە ئارمانجکرن، 22 کەسان ژیانا خۆ ژ دەستدایە و 99 ژی برینداربووینە.