گاڤ

سه‌رۆككۆمارێ ئیرانێ راگه‌هاند؛ ب هه‌می ره‌نگان دانوستاندنێ ره‌ت دكه‌ن و دیار كر، درێژكرنا ئاگربه‌ستێ ژ لایێ تره‌مپی ڤه‌ چو رامان نینن.

مه‌سعوود پزیشكیان، سه‌رۆككۆمارێ ئیرانێ، د پۆسته‌كێ دا ل تۆڕا جڤاكی یا (ئێكس) راگه‌هاند؛ ئاستێ تێگه‌هشتنا وان كه‌سێن پێشنیازا ئاماده‌بوونا ئیرانێ ل ئیسلام ئابادێ دكه‌ن بۆ دانوستاندنێ، ژ ئاستێ تێگه‌هشتنا تره‌مپی ژی كێمتره‌.

پزیشكیانی رژدی ل سه‌ر هندێ كر، درێژكرنا ئاگربه‌ستێ ژ لایێ سه‌رۆكێ ئه‌مریكا ڤه‌ چو بهایه‌ك نینه‌. ئه‌ڤ ئاخفتنێن سه‌رۆك كۆمارێ ئیرانێ د ده‌مه‌كێ دا نه‌، ئه‌ڤرۆ دۆنالد تره‌مپ ل  پلاتفۆرما (ترووس سۆشیاڵ) راگه‌هاندبوو؛ وی بڕیار دایه‌ ئاگربه‌ستێ دگه‌ل ئیرانێ درێژ بكه‌ت هه‌تا ئه‌و وه‌لات پێشنیازه‌كا ئێكگرتی پێشكێش دكه‌ت، ئه‌ڤ ئێكه‌ ژی ل سه‌ر داخوازا پاكستانێ بوویه‌ دا كو هێرش بهێنه‌ پاشئێخستن.