ترەمپ

دۆنالد ترەمپ، سەرۆکێ ئەمریکا ڕاگەهاند؛ ل سەر داخوازییا وی حوکمەتێ ئیرانێ بڕیارا سێدارەدانا 8 ژنێن خۆنیشاندەر راگرت و 4 ژ وان ئێکسەر  دێ هێنە ئازادکرن.

سەرۆکێ ئەمریکا د نویترین پەیاما خۆ دا دەربارەی دۆسیەیا ژنێن زیندانی ل ئیرانێ ڕاگەهاند: "نووچه‌یه‌كێ گه‌له‌ك خۆشە! نها ئه‌ز هاتمه‌ ئاگه‌هداركرن، ئەو 8 ژنێن بڕیار بوو ئەڤشه‌ڤە ل ئیرانێ بهێنە سێدارەدان، ئێدى مه‌ترسى لسه‌ر نه‌مایه‌ و ناهێنه‌ كوشتن."

ترەمپی ئاشکرا کر، 4 ژ وان ژنان دێ ده‌ملده‌ست هێنە ئازادکرن، و بۆ 4 ژنێن دی ژی سزایێ ئێک هەیڤ زیندانیکرنێ هاتییە بڕین.

سەرۆکێ ئەمریکا سوپاسییا سەرکرداتییا ئیرانێ کر، ڕێز ل داخوازییا وی گرتینە و حوكمێ سێدارەدانا وان هاته‌ راگرتن. تڕەمپی گۆت: "ئەز گه‌له‌ك سوپاسگوزارم کو وەک سەرۆکێ ویلایەتێن ئێكگرتی یێن ئەمریکا، گوهـ ل داخوازییا من هاتە گرتن."