ل زاخۆ 76 كهس ب خوارنێ ژههراوی بوون
بەلاڤ بکە
گاڤ
ژبهر خوارنا خوارنگهههكا باژێڕێ زاخۆ، 76 كهس ژههراوی بوون و بۆ نهخۆشخانهیێ هاتنه ڤهگوهاستن.
ل دویڤ زانیاریین پهیامنێرێ گاڤ نوح سلێمانى ل زاخۆ، ئهڤرۆ ژبهر خوارنا لهفهیێن خوارنگهههكێ ل نێزیك بازارێ پارهگهۆڕان ل زاخۆ، 76 كهس نهخۆش كهڤتن و بۆ نهخۆشخانهیێ هاتنه ڤهگوهاستن كو ژههراوى ببوون، پترییا وان پشتى وهرگرتنا چارهسهریێ ڤهگهریاینه مال و چێبووینه، 4 بۆ 5 كهسا تێنهبن هێشتا چارهسهریێ وهردگرن.
پهیامنێرێ گاڤ دا زانین ژى، رێڤهبهرییا خۆپاراستنا ساخلهمییێ ل زاخۆ، رێڤهبهرییا گشتى یا ساخلهمییێ و دهڤهدارییا زاخۆ، چاڤدێرییا رهوشێ دكهن و سهمپلێن خوارنا وێ خوارنگههێ برینه تاقیگههێ و ئهگهر دیاربوو ئهو كهس ب خوارنێ ژههراویبووینه، ئهو خوارنگههـ دێ ب سزایێ دائیخستنێ و سزایێن داریی هێته سزدان.
باژێڕێ زاخۆ ئێكه ژ باژێڕێن گهشتیاری یێن گرنگه ل ههرێما كوردستانێ، سالانه ب هزاران گهشتیار سهرهدانا خوارنگههـ و جهێن وێ یێن گهشتیاری دكهن. ئهڤ رهنگه رویدانه گڤاشتنێ لسهر تیمێن ساخلهمییێ و سازیێن پهیوهنددیدار یێن زاخۆ زێده دكهن دا كو پشكنینێن خۆ ل سهر پاقژییا خوارنێ ل جهێن گشتی توندتر لێ بكهن.
