گاڤ

یارییا ئامەدسپۆر ل گەل یانەیا بۆدرووم سپۆر ب ئەنجامێ (1-1) ب وەکهەڤی ب دویماهی هات. ئامەدسپۆرێ سەرکەڤتن بدەستڤەنەئینا، لێ هێشتا هیڤییێن وێ بۆ گەهشتنا خۆلا سۆپەرلیگا تورکیا یێن ماین و بتنێ یارییەکا دی یا مایە.

ئامەدسپۆر کو نوکە د پلا دویێ یا خۆلا پلە ئێک یا تورکیا دایە، چاڤێ وێ ل هندێ یە ل دویماهییا وەرزێ ئەڤ سالە، بۆ ئێکەم جار د دیرۆکا خۆ دا بگەهیتە خۆلا سۆپەرلیگێ و بچیتە ناڤا رێزا یانەیێن مەزن یێن وی وەلاتی و هەڤرکییێ ل گەل گالاتەسەرای، بێشکتاش، فەنەرباخچە و یانەیێن دی بکەت.

بۆ گەهشتن ب ڤێ ئارمانجێ، ئامەدسپۆر پێدڤی ب وێ چەندێ یە یارییا بهێت سەربکەڤیت و یانەیا "ئێرۆک سپۆر" کو هەڤرکا وێ یە، تووشی شکەشتنێ ببیت یان یەکسان ببیت.

ئامەدسپۆر چەند ل هیڤییا بهێزبوونا خۆ و یاریا بھێتە، هۆسا ژی چاڤێ وێ ل هندێ یە کو یانەیا ئێرۆک سپۆر خالان ژدەستبدەت دا کو رێکا سەرکەڤتنا ئێکسەر بۆ ئامەدسپۆرێ خۆش ببیت.

ئەگەر ئامەدسپۆر نەشێت ب رەنگەکێ ئێکسەر بگەهیتە سۆپەرلیگێ، دێ چیتە یارییا دویماهییا "پله‌ی ئۆف" و ل وێرێ دێ ل هیڤییا سەرکەفتییێ یارییێن دی مینیت.

یارییێن دی دێ دناڤبەرا یانەیێن دی یێن خۆلێ دا هێنە برێڤەبرن؛ خودانێن پلا چارێ و پێنجێ دێ بەرانبەر ئێک یاریێ کەن، هەروەسا یێن پلا شەشێ و حەفتێ ژی دێ رویبروی ئێک بن. پاشی سەرکەڤتییێن هەردو یارییان دێ ل گەل ئێک یارییێ کەن و هەر یانەیەکا سەرکەڤت، دێ گەهیتە یارییا دویماهییا پلەی ئۆف و دێ بەرانبەر ئامەدسپۆر راوەستیت، بۆ وێ چەندێ هەڤرکییێ ل سەر پلێتا سێیێ یا گەهشتنا سۆپەرلیگێ بکەن.

ئامەدسپۆر هەتا نوکە ژ سەرجەمێ 37 یارییان، 73 خال کۆمکرینە و د پلەیا دویێ یا رێزبەندییا خۆلا پلە ئێک یا تورکیا دا یە. یانەیا ئێرۆک سپۆر د پلەیا سێیێ دا یە و یانەیا ئەرزرووم سپۆرت ژی ب کۆمکرنا 80 خالان ل پلەیا ئێکێ و پێشەنگییێ یە.