گاڤ

وەزارەتا دارایى یاداشتەک بۆ وەزیرا دارایى یا ئیراقێ بۆ خەرجکرنا مووچەیى هنارتییە و دهێتە پێشبینیکرن ئێک شەمبێ داهاتێ ناڤخۆ یێ بەردەست بەرهەڤ ببیت و بۆ بەغدایێ بهێتە رەوانەکرن.

ژێدەرەکى ژ  وەزارەتا دارایى یا هەرێما کوردستانێ راگەهاند، هووربینى د لیستا مووچەیى دا تەمام بوویە و داخواز ژ تەیف سامى، وەزیرا دارایى یا ئیراقێ هاتییەکرن مووچەیێن هەرێمێ خەرج بکەت و ئاشکراکر، ئێکشەمبێ داهاتێ ناڤخۆ یێ مەها نیسانێ دێ هێتە دیارکرن و گۆت: پێشبینیە داهاتێ ناڤخۆ یێ هەرێمێ نە گەهیتە 120 ملیار دیناران.

ل گۆرەیى رێککەفتنێن هەولێر و بەغدا یێن پێشتر ئەڤ سالە مووچەیێ هەمى هەیڤان دێ هێتە رەوانەکرن ل هەمبەر ژى هەرێم دێ نیڤا دهاتێ ناڤخۆ ب ئیراقێ دەت.

ل مەها بۆرى ژ ئەگەرێ شەڕێ ئەمریکا و ئسرائیل ل گەل ئیرانێ هنارتنا پەترۆلا هەرێما کوردستانێ هاتبوو راگرتن و دیسا ژى لڤین و هاتنوچوون ژى نەمان لەو داهاتێ هەرێمێ کۆمێ بوو و هەرێمێ خواست ل جهێ 120 ملیارێن رێککەفتن ل سەر هاتییەکرن کێمتر بهێتە رەوانەکرن و ئیراق ژى رازى بوو، بۆ ڤێ هەیڤێ ژى هێشتا چ تشت وەسا دیار نەبوویە.