گاڤ

سەرۆکوەزیرێن ئسرائیلێ راگەهاند، دڤێت هەردەم ئسرائیل یا بهێز بیت و دێ فڕۆکەیێن پێشکەفتى یێن ئێف 35 و ئێف 16 کڕن و هەردەما وان ڤیا ئەو دشێن بگەهنەە ئەسمانێ ئیرانێ.

بنیامێن نەتەنیاهۆ، سەرۆکوەزیرێن ئسرائیلێ گۆت: فڕۆکەیێن ئسرائیلێ هەردەما دڤێن دشێن ب گەهنە ئەسمانێ ئیرانێ و هەردەم ژى بۆ ڤێ مەرەمێ د ئامادەباشییەکا تەمام دانە و تل ئەڤیڤێ فڕۆکەیێن پێشکەفتى و فڕۆکڤانێن زیرەک هەنە و دوپاتکر، دڤێت هەردەم ئسرائیل یا بهێز بیت و دێ فڕۆکەیێن پێشکەفتى یێن ئێف 35 و ئێف 16 کڕن.

هەروەسا دیارکر، ئەو دێ بەرهەمئینان و پێشخستنا خۆ د وارێ فڕۆکڤانییێ دا هێشتا پێشئێخن و ئەو رەوشا نوکە هەیى ب تەمامى دێ بەر ب باشتر چیت.

نەتەنیاهۆیى دازانین ژى ئەو دێ نێزیکى 119 ملیار دۆلاران ل سەر بودجەیا بەرگریێ زێدە کەن و ئارمانج ژى ژێ بەرهەمئینانا چەکى یە ل ئسرائیل بخۆ بێى پێدڤى ب وەلاتێن بیانى ببن.