سەرۆک نێچیرڤان بارزانى: هەمى هاریکارییا پێدڤى بۆ سەرخستنا گاڤێن پێکئینانا حکومەتا نوى یا ئیراقێ دێ پێشکێش کەم
بەلاڤ بکە
گاڤ
سەرۆک نێچیرڤان بارزان راگەهاند، ئەو هەمى هاریکارییا پێدڤى بۆ سەرخستنا گاڤێن پێکئینانا حکومەتا نوى یا ئیراقێ دێ پێشکێش کەت.
ئەڤرۆ پشتى نیڤرۆ نێچیرڤان بارزانى، سەرۆکێ هەرێما کوردستانێ د چارچۆڤێ سەرەدانا خۆ دا ل گەل سەرکردەیێن چارچۆڤێ هەماهەنگییێ کۆمبوو.
د کۆمبوونێ دا پرۆسەیا سیاسى یا ئیراقێ و بزاڤێن پێکئینانا حکومەتا نوى یا ئیراقا فیدرال هاتنە بەحسکرن، د ڤى وارى دا دوپاتى ل سەر پێکئینانا حکومەتەکێ هاتەکرن کو بەرسڤا ئاستەنگێن قۆناغا بهێت بدەت و چاڤەڕێى داخوازیێن هەمى پێکهاتێن ئیراقێ بیت.
سەرۆک نێچیرڤان بارزانى دوپاتکر، هەرێما کوردستانێ هەردەم دێ پشتەڤانێ پرۆسەیا سیاسى یا ئیراقێ بیت و هەمى هاریکارییەکا پێدفى ژى بۆ سەرخستنا گاڤێن پێکئینانا حکومەتا نوى یا ئیراقا فیدرال دێ پێشکێش کەت.
ژ ئایلیێ خۆ ڤە سەرکردەیێن چارچۆڤێ هەماهەنگییێ زێدەبارى خۆشحالییا خۆ ب سەرەدانێ پەسنا هەلوەست و سیاسەتا سەرۆک نێچیرڤان بارزانى و دنیابینیا وى و بۆچوونێن وى بۆ چارەکرنا کیشەیان و گرنگى و هاریکارییا هەڤپشک.
کارتێکرن و دەرئەنجامێن شەڕ و ئالۆزییان ل سەر ئیراقێ تەوەرەکێ دى یێ کۆمبوونێ بوو کو تێدا دوپاتى ل سەر دویرخستنا وەلاتى ژ مەترسییێن شەڕ و ئالۆزییان هاتەکرن.
