سەرۆک نێچیرڤان بارزانی: پێدڤییە کریستیان ب پۆستێ وەزاری پشکداری حکومەتێ ببن
بەلاڤ بکە
گاڤ
سەرۆک نێچیرڤان بارزانی د ئێکەم کۆمبوونا ئەڤرۆ دا ل بەغدا ل گەل پەرلەمانتارێن کریستیان کۆمبوو.
سەرۆکاتییا هەرێما کوردستانێ راگەهاند: د کۆمبوونێ دا رەوشا کریستیانان و نوینەراتییا سیاسی یا پێکهاتەیان هاتە بەحسکرن. سەرۆکێ هەرێما کوردستانێ دۆپاتکر کو کریستیان پێکهاتەیەکا رەسەن یا ئیراق و هەرێما کوردستانێ نە و رۆلێ وان یێ مێژووی و شارستانی بلند دنرخینین.
سەرۆکێ هەرێما کوردستانێ دۆپات کر کو پێدڤییە کریستیان د کابینەیا بهێت یا حکومەتا فیدرالی دا ب پۆستێ وەزاری پشکدار ببن. کار بۆ گرنگیدان ب کلتوور و پێکڤەژیان، لێبوورین و هەڤدو قەبویلکرن وەک بنەمایەکێ سەرەکی یێ سەقامگیرییا وەلاتی بهێتەکرن.
هەردو ئالی هەڤبۆچوون بوون کو پێدڤییە بزاڤێن بدەستڤەئینانا هەڤپشکی و یەکسانییێ دبەردەوام بن. ب رەنگەکی کو هەمی پێکهاتە ب گەهنە ماف و شایستەیێن خۆ یێ دەستووری.
سەرۆک نێچیرڤان بارزانی پشتەڤانییا تەمام یا هەرێما کوردستانێ بۆ پاراستنا مافێن کریستیانان و دابینکرنا ژیانەکا شایستە بۆ وان دۆپاتکر.
ژ ئالییێ خۆ ڤە ژی پەرلەمانتارێن کریستیان سوپاسی بۆ هەلویستێن بەردەوام یێن سەرۆک نێچیرڤان بارزانی دەربری کو بەردەوام داکۆکییێ ل مافێن پێکهاتەیان و پاراستنا تەبایێ ل هەرێما کوردستان و ئیراقێ دکەت.
