گاڤ

د دویەم  کۆمبوونا ئەڤرۆ دا سەرۆک نێچیرڤان بارزانی ل گەل عیرفان سدیق، بالیۆزێ بریتانیا ل ئیراقێ کۆمبوو

سەرۆکاتییا هەرێما کوردستانێ راگەهاند: د کۆمبوونێ دا پرۆسەیا سیاسی یا ئیراقێ، گاڤێن پێکئینانا حکومەتا نوی یا فیدرالی، سەرەدان و دیدارێن سەرۆک نێچیرڤان بارزانی ل گەل سەرکردەیێن ئیراقی، رەوشا ناڤخۆ یا هەرێما کوردستان و پێشهاتێن دەڤەرێ بەحسکرن.

هەردو ئالی هەڤبۆچوون بوون ل سەر گرنگییا هەماهەنگی و هەڤپشکییا هەرێما کوردستانێ ل گەل ئالییێن ئیراقێ بۆ سەرخستنا پرۆسەیا سیاسی و پێکئینانا حکومەتا بهێت یا فیدرالی کو رەنگڤەدانا چاڤەرێبوونا وەلاتییان بیت و بشێت بەرهنگاری ئاستەنگییان ببیت و سەروەرییا وەلاتی ب پارێزیت.

بالیۆزێ بریتانیا دۆپاتکر کو وەلاتێ وی گرنگییێ ب پەیوەندییێن ل گەل ئیراق و هەرێما کوردستانێ ددەت و ب پشتەڤانیکرنا وان پابەندە.

ژ ئالییێ خۆ ڤە ژی سەرۆکێ هەرێما کوردستانێ سوپاسییا پشتەڤانییا بریتانیا بۆ ئیراق و هەرێما کوردستانێ کر.

کاریگەرییا شەڕێ دەڤەرێ و چەند بابەتێن دی یێن جهێ گرنگییا هەڤپشک ژی د کۆمبوونێ دا هاتنە بەحسکرن.