گاڤ

سەرۆکێ هەرێما کوردستانێ بەحس ل پەیوەندیێن پارتى و ئێکەتییێ دکەت و سەرۆککۆمارێ ئیراقێ ژى ب یێ هەمى کوردان ناڤکر و گۆت: "سەرۆککۆمار کوردە و ژ مەیە".

نێچیرڤان بارزانى، سەرۆکێ هەرێما کوردستانێ ل گەل فائق زێدان، سەرۆکێ جڤاتا بلندا دادوەرى ل ئیراقێ کۆمبوو و د کۆنگرەیەکێ رۆژنامەڤانى دا راگەهاند، راستە کێشە ل گەل ئێکەتییێ هەنە لێ وەک کورد دڤێت رێکەکێ ببینین پێکڤە کار بکەین و جڤاتەکا سیاسى ل گەل ئێکەتییێ دێ هێتە دانان و کار دێ هێتە کرن و ل قۆناغا بهێت دێ کارى کەین ب گەهینە خالەکا هەڤپشک ل گەل ئێکەتییێ.

سەرۆک نێچیرڤان بارزانى دیارکر، رێزێ ل سەرۆککۆمارێ ئیراقێ دگرین کوردە و ژ مەیە و ئاشکراکر، دبیت ئەڤجارە نەشێین سەرەدانا وى بکەین بەلێ جارێن بهێن دێ سەرا دەین.

ل دۆر پەیوەندیێن هەولێر و بەغدایێ ژى گۆت: بەغدا عومقێ چارەکرنا هەمى کێشەیانە و دێ کار ل سەر چارەکرنا هەمى کێشەیان ژى هێتەکرن.