گاڤ

نێچیرڤان بارزانی، سەرۆکێ هەرێما کوردستانێ ل بەغدا ل گەل نوینەرێن پێکهاتەیێن ئێزدی، فەیلی و سابیئە مەندائی ل جڤاتا نوینەرێن ئیراقێ کۆبوو و راگەهاند، هەر تشتێ د شیان دا بیت دێ بۆ پشکدارییا پێکهاتەیان د پرۆسەیا سیاسی و ب رێڤەبرنا وەلاتی دا کەن.

سێشەمبییێ 5ـێ گولانا 2026ێ، سەرۆک نێچیرڤان بارزانی، د بەردەوامییا دیدارێن خۆ دا ل بەغدا، پێشوازی ل نوینەرێن پێکهاتەیان کر. ل گۆرەیی راگەهاندنەکا سەرۆکاتییا هەرێما کوردستانێ، د کۆمبوونێ دا رەوشا پێکهاتەیان ل ئیراق و هەرێما کوردستانێ هاتە گۆتوبێژکرن.

د کۆمبوونێ دا، تەکەزی ل گرنگییا مسۆگەرکرنا پشکدارییا کارا یا پێکهاتەیان د پرۆسەیا سیاسی و بدەستڤەئینانا مافێن وان یێن دەستووری دا هاتە کرن.

سەرۆک نێچیرڤان بارزانی، پشتەڤانیا خۆ یا بەردەوام بۆ مافێن هەمی پێکهاتەیان دوپات کر و راگەهاند، پشکدارییا پێکهاتەیان د ب رێڤەبرنا وەلاتی دا دبیتە ئەگەرێ چەسپاندنا سەقامگیرییا سیاسی و پرەنسیپێن دادپەروەری و وەکهەڤییێ.

ژ ئالییێ خۆ ڤە، نوینەرێن پێکهاتەیان سوپاسییێن خۆ بۆ پشتەڤانیێن بەردەوام یێن سەرۆ  نێچیرڤان بارزانی بۆ ماف و شایستەیێن وان دیار کرن و رۆلێ سەرۆکێ هەرێما کوردستانێ د پاراستنا پێکڤەژیانێ دا ب بلند ل قەلەم دا.