گاڤ

مەسەرور بارزانی، سەرۆکوەزیرێ هەرێما کوردستانێ و شێخ محەمەد بن زاید ئال نەهیان، سەرۆکێ ئیماراتێ ب تەلەفۆنێ بەحس ل بهێزترکرنا پەیوەندییێن هەرێما کوردستانێ و ئیماراتێ کر.

سێشەمبییێ 5ێ گولانا 2026ێ، مەسروور بارزانی، سەرۆکوەزیرێ هەرێما کوردستانێ ب تەلەفۆنێ ل گەل شێخ محەمەد بن زاید ئال نەهیان، سەرۆکێ ئیماراتێ ئاخڤت.

ل گۆرەیی راگەهاندنا حکومەتا هەرێما کوردستانێ، مەسروور بارزانی و شێخ محەمەد بن زاید ئال نەهیان گۆتوبێژ ل بهێزترکرنا پتر یا پەیوەندیبێن دناڤبەرا هەرێما کوردستانێ و دەولەتا ئیماراتێ دا و دویماهی پێشهاتێن رەوشا گشتی یا ئیراقێ و دەڤەرێ کر.

هەر د وێ پەیوەندییا تەلەفۆنی دا، مەسروور بارزانی "پشتەڤانییا خۆ بۆ دەولەتا ئیماراتێ دوپات کر و هێرشێن ڤێ دویماهییێ یێن ل سەر ئیماراتێ شەرمزار کرن، هەروەسان هەردو ئالییان تەکەزی ل پێدیڤیا سەقامگیری و ئارامییا دەڤەرێ کر".

ئیرانێ دوهی دوشەمبییێ ب مۆشەکان هێرشی سەر بەندەرێ پەترۆلێ یێ فوجەیرە ل ئیماراتێ کربوو و ب وێ ئەگەرێ ئاگرەکێ مەزن ل وێرێ پەیدابوو؛ هەروەسان کۆمپانیا پەترۆلا نیشتیمانی یا ئیماراتێ (ئادنۆک) راگەهاند، ئێک ژ تانکەرێن وان یێن ڤالا ب درۆنەکا ئیرانی هاتبوو ئارمانجکرن.

ئەڤرۆ سێشەمبییێ 5ـێ گولانا 2026ێ ژی، وەزارەتا بەرگرییا ئیماراتێ راگەهاندنەک بەلاڤکر و تێدا هاتبوو: "نوکە بەرگرییێن ئەسمانی یێن ئیماراتێ بەرسڤا وان هێرشێن مۆشەکی و درۆنان ددەن کو ژ ئالییێ ئیرانێ ڤە دهێنە ئاراستەکرن."