گاڤ

بەرپرسەکێ بلند یێ ئەمریکا ل پشت چاڤکێن کامیرەیان ب رێکا رۆژنامەڤانان پەیامەکا توند بۆ بەرۆرسێن ئیراقێ هنارت.

وی بەرپرسێ بلند یێ ئەمریکا گۆت: بەرپرسێن ئیراقێ د ناڤا وان دا سەرۆکوەزیرێ راسپاردی تێدگەهن کا ئەمریکا چ دڤێت. مە کردار ژ بەرپرسێن ئیراقێ دڤێن نەک بتنێ ئاخفتن.

هەروەسا گۆت: نوکە هێلەکا دیار د ناڤبەرا حکومەتا ئیراقێ و گرۆپێن میلیشا دا هەیە. ئەو کردارا ئەمریکا دخوازیت، ئەوە حکومەتا ئیراقێ دەست ب دەرئێخستنا میلیشایێن تیرۆرستی ژ سازییێن حکومەتێ بکەت، بۆدجە و مووچەیێن ڤان گرۆپان رابگریت. بتنێ ئەڤ کریدارە دێ باوەرییێ بۆ حکومەتا ئەمریکا چێکەن و ل وی دەمی دێ بێژین کو هزرکرنەکا نوی ل ئیراقێ هەیە.

دیار ژی کر: هندەک ئالی د ناڤا حکومەتا ئیراقێ دا بەرگەکێ سیاسی، دارایی بۆ وان گرۆپان دکەنە بەرخۆ. ئەڤ کارە یێ ب زەحمەتە، لێ پێدڤییە گاڤەکا رۆهرن بهێتە هاڤێتن و راگەهاندنەکا سیاسی بهێتە دەرکرن و تێدا بێژن، ئەڤ گرۆپێن تیرۆرستی نەپشکەکن ژ حکومەتا ئیراقێ.

د دەمێ شەڕێ ئیرانێ دا وان گرۆپان ب پتری 600 جاران هێرشی بنگەهێن ئەمریکا ل ئیراق و هەرێما کوردستانێ کرییە.