شاندهكێ پهرلهمانێ ئیراقێ دێ سهرهدانا پارتی كهت
بەلاڤ بکە
گاڤ
سهرۆكاتییا پهرلهمانێ ئیراقێ، داخوازا ڤهگهڕیانا ئهندامێن فراكسیۆنا پارتی بۆ ناڤا كۆمبوونێن پهرلهمانی دكهت و لیژنهیهكا تایبهت بۆ رازیكرنا پارتی رادسپێریت.
ئهڤ لڤینا دپلۆماسی یا ناڤا پهرلهمانی پشتی وێ چهندێ دهێت، د كۆمبوونا رۆژا چارشهمبییێ (22ێ نیسانا 2026ێ)دا، سهرۆكاتییا پهرلهمانی داخواز ژ سهرۆکفراكسیۆنان كر لیژنهیهكا ههڤپشك پێكبئینن.
بریاره رۆژا شەمبییا بهێت 26ێ نیسانا 2026ێ، شاندهكێ بلند یێ سهرۆکفراكسیۆنێن پهرلهمانێ ئیراقێ، ل ههولێرێ سهرهدانا فراكسیۆنا پارتی بكهت ب مهبەستا خۆشكرنا زهمینهیا لێكتێگههشتنێ و ڤهگهریانا وان بۆ ناڤ هۆلا كۆمبوونان.
ئهركێ سهرهكی یێ ڤێ لیژنەیێ گۆتوبێژكرنه ل گهل فراكسیۆنا پارتی دهربارهیی وان ئاستهنگ و ئهگهرێن كو بووینه ئهگهرێ بایكۆتكرنا كۆمبوونێن پهرلهمانی.
بهری نوكه فراكسیۆنا پارتی دیموكراتی كوردستان د راگههاندنهكا فهرمی دا ئاماژه ب وێ چهندێ كربوو، بایكۆتكرنا كۆمبوونان وهک نهرازیبوونهكه ل ههمبهر وان"بنپێکارییێن دهستووری و یاسایی" یێن د ناڤ پهرلهمانی دا دهێنه كرن و بریارا وان هەتا دهمهكێ نهدیار دێ یا بهردهوام بیت.
