گاڤ

کۆمپانییا دى ئێن ئۆ یا نەرویجى راگەهاند، کارکرن د دبلۆکێن نەفتا تاوکێ پێشابوور دا دەستپێکر، ديوارەکێ زەبەلاح بۆ پاراستنا کارمەندان هاتییە دروستکرن.

کۆمپانییا دى ئێن ئۆ یا نەرویجى دبێژیت: جارەکا دى و پشتى راوەستیانێ ژبەر شەڕێ ئەمریکا و ئسرائیل ل گەل ئیرانێ کارکرن د دبلۆکێن نەفتا تاوکێ پێشابوور دا دەستپێکر ، ديوارەکێ زەبەلاح بۆ پاراستنا کارمەندان ژى هاتییە دروستکرن. و درێژاهییا 2.8 کیلۆمەترن.

هەروەسا کۆمپانییێ ئاشکراکر، ئەو دیوار بۆ پاراستنا کارمەندان ژ هەر پێشهاتەکا نەخواستى هاتییە دروستکرن.

خویاکر ژى بیرێن کەڤن هاتینە نووژەنکرن و دوبارە دەست ب کۆلانا 8 بیرێن دى هاتییەکرن کو پێشتر ژى کار ل سەر دهاتەکرن.

کۆمپانییا دى ئێن ئۆ یا نەرویجى دازانین ژى کۆلانا بیران بۆ زێدەکرنا ئاستێ بەرهەمئینانا یە ل تاوکێ و پێشابوورێ.