ئهمریكا 2 كهشتییین ئیرانێ ل دهرتهنگا هورمز كرنه ئارمانج
05/08/2026 - 23:21
بەلاڤ بکە
گاڤ
ل دهرتهنگا هورمز شهڕ و ئالۆزى د ناڤبهرا هێزێن ئهمریكا و ئیرانێ دا چێبوون و واشنتۆن رادگههینیت 2 كهشتییێن بارههلگر یێن ئیرانی كرینه ئارمانج.
میدیایێن ئیرانێ بهلاڤكر، شهرى د ناڤبهرا هێزێن دهریایی یێن ئیرانێ و كهشتییێن جهنگی یێن ئهمریكا دا ل دهرتهنگا هورمز روویدایه. ههڤدهم، فهرماندهییا هێزێن ناڤهندی یا ئهمریكا (سێنتكۆم)ێ د راگههاندنهكێ دا دیاركر "ل دهریایا عومان مه تهقه ل 2 كهشتییێن پترۆلههلگر یێن ئیرانێ كرییه.
سێنتكۆمێ دیاركر ژى، وان 2 كهشتییێن ئیرانی بزاڤ دكر " دۆرپێچا ل سهر دهرتهنگێ بشكێنن"، لهورا ژ لایێ هێزێن ئهمریكی ڤه بوونه ئارمانج. ئهڤ ئالۆزییه پشتی وێ ئێكێ هاتن، ئیرانێ هۆشداری دابوون، دێ رێیێن ئاڤی یێن ستراتیژی كۆنترۆل كهت ئهگهر گڤاشتنێن ئهمریكا بهردهوام بن.
