ئەردۆگان ژ هێرشێن ل سەر هەولێرێ دلگرانە
بەلاڤ بکە
گاڤ
سەرۆکاتییا کۆماری یا تورکیا ناڤەرۆکا کۆمبوونا مەسروور بارزانی، سەرۆکێ حکومەتا هەرێما و رەجەب تەیب ئەردۆگان، سەرۆککۆمارێ تورکیا بەلاڤکر.
د راگەهاندنا سەرۆکاتییێ دا هاتییە: د کۆمبوونێ دا دویماهی پێشهاتێن دەڤەرێ و شەڕی ئەمریکا و ئیرانێ هاتنە بەحسکرن. ئەردۆگانی دلگرانییا خۆ ژ هێرشێن ل سەر هەولێرێ نیشاندا.
هەروەسا هاتییە: تورکیا ناخوازیت شەڕ دەربازی وەلاتێن دی ببیت و هەماهەنگی ل گەل هەرێما کوردستانێ دێ یا بەردەوام بیت. تورکیا ل سەر پێشڤەبرنا هەماهەنگییا تورکیا ل گەل ئیراق و هەرێما کوردستانێ یا رژدە.
دەربارەی پرسا کوردی ژی ل تورکیا ئەردۆگانی د کۆمبوونێ دا گۆت: رژدین ل سەر چارەکرنا پرسا کوردی ل تورکیا.
سەرۆککۆمارێ تورکیا دا زانین ژی: سەقامگیرییا ئیراقێ بۆ هەمی دەڤەرێ یا گرنگە و پێکئینانا حکومەتێ دێ خزمەتا ئێکرێزی و تەباییا ئیراقێ کەت.
ل دۆر رێکا گەشەپێدانێ یا ئیراق و هەرێما کوردستانێ ب رێکا هێلا شەمەندەفرێ ب تورکیا ڤە گرێددەت گۆت: تەمامکرنا پرۆژەیێ رێکا گەشەپێدانێ نەبتنێ مفا بۆ ئیراقێ هەیە، بەلکو هەمی کەنداڤ دێ مفایی ژێ بینیت.
