گاڤ

د 48 دەمژمێرێن بهێن دا کابینەیا حکومەتا ئیراقێ دێ بۆ پەڕلەمانى هێتە رەوانەکرن، کوردان 4 وەزیر و جێگرێ سەرۆکوەزیران بەر دکەڤن و تا نوکە نەهاتییە زانین کى بەربژارن.

بتنێ 48 دەمژمێر ماینە کابینەیا نوو یا حکومەتا ئیراقێ بهێتە راگەهاندن و ئامادەکارییێن تەمام بۆ کۆمبوونا پەڕلەمانێ ئیراقێ هاتینە کرن.

پێکهاتا کابینەیا بهێت یا ئیراقێ ژ 21 وەزارەتان پێکدهێت و 4 وەزارەت بەهرا کوردانە، هەروەسا بەهرا سونەیان 5 وەزارەتن و شیعەیان ژى کو پڕانی نە 12 وەزارەت بەردکەڤن و کرستیانان ژى وەک پێکهات وەزارەتەک وەرگرتییە.

ل گۆڕەیى پێکهاتەیا کابینەیا نوو سەرۆکوەزیران سێ جێگیر هەنە و هەر ئێک ژ کورد، سونە و شیعە دێ بنە خودان جێگر د کابینەیا بهێت دا کو پێشتر دو جێگر بوون و د ڤێ کابینەیێ دا دەنگۆیێ زێدەبوونا جێگرەکێ دى ژى هەیە.