گاڤ

یانەیا بارشەلۆنا ب هەردو گەڕان سەرکەڤتن بدەستڤەئینا و بوو قارەمانا خۆلا ئسپانی (لالیگا).

د حەفتییا 35ێ یا یارییێن لالیگایێ دا، بەرشەلۆنا مێهڤاندارییا ریال مەدرید یا هەڤرکا خۆ یا دیرۆکی کر و ب 2 گۆلێن بێ بەرانبەر یاری بر و ب ڤێ چەندێ هەردو کلاسیکۆ برن و ب فەرمی ژی بوو قارەمانا خۆلێ.

گۆلێن "بلاوگرانا" ژ ئالییێ مارکۆس راشفۆرد و فیران تۆرێس د خۆلەکێن 9 و 18 دا هاتنە تۆمارکرن.

ئەڤە ناسناڤێ ژمارە 29 بوو د دیرۆکا یانەیا کەتەلۆنی دا. ب ڤێ سەرکەڤتنێ جوداهییا ناسناڤان ل گەل ریال مەدرید بۆ 7 ناسناڤان کێم کر.

ئەڤ دەستکەفتە بۆ هانزی فلیکی گرنگییەکا تایبەت هەبوو، چونکی راهێنەرێ ئەلمانی شیا بۆ وەرزێ دویێ ل دویڤ ئێک ژ دەما ئەرکێ بەرشەلۆنا وەرگرتی، ببیتە قارەمانا خۆلا ئسپانی.

نوکە کورێن فلیکی چاڤ ل برنا سێ یارییێن ماینە د ڤی وەرزی دا، دا کو سەرجەمێ خالێن خۆ بگەهیننە 100 خالان.

د ئێکەم کارڤەدانا یانەیا کەتەلۆنی دا، ب پۆستەکێ ل سەر پەیجێ خۆ یێ فەرمی قارەمانبوونا خۆ راگەهاند، هەڤدەم دەربارەیی سەرکەڤتنا ل سەر ریال مەدرید ژی نڤیسییە: "مە جارەکا دی کلاسیکۆ بر و لالیگا ژی یا مە یە."

قارەمانین

ئەڤە بتنێ ناسناڤەکێ خۆلێ نینە

رویدانەکا دیرۆکییە ژی.