گاڤ

سەرۆکوەزیرێ راسپاردی یێ ئیراقێ دێ سەرەدانا هەولێرێ کەتەڤە و دێ "کار بۆ باشترکرنا پەیوەندییێن هەرێما کوردستانێ و ئیراقێ کەت."

رۆژا شەمبییێ 2ـێ گولانا 2026ێ، بۆ جارا ئێکێ، سەرۆکوەزیرێ راسپاردی سەرەدانا هەرێما کوردستانێ کر و ل فرۆکەخانەیا ناڤدەولەتی یا هەولێرێ ژ ئالییێ مەسرور بارزانی سەرۆکوەزیرێ هەرێما کوردستانێ ڤە هاتە پێشوازیکرن و ل گەل سەرۆک بارزانی، سەرۆک نێچیرڤان بارزانی و مەسروور بارزانی کۆمبوو.

دوشەمبییێ 11ـێ گولانا 2026، ژێدەرەکێ ژ نڤیسینگەها عەلی زەیدی، سەرۆکوەزیرێ راسپاردی یێ ئیراقێ بۆ گاڤ راگەهاند؛ پشتی پێکئینانا حکومەتا نوی یا فیدرال، زەیدی دێ سەرەدانا هەولێرێ کەت و ل گەل بەرپرسێن هەرێما کوردستانێ کۆمبیت.

هەمان ژێدەری بەحسێ وێ چەندێ ژی کر، "بێ-گۆمان سەرۆکوەزیرێ راسپاردی دێ کار بۆ باشترکرنا پەیوەندییێن هەولێر و بەغدا و چارەکرنا کێشەیان کەت".

هەژی گۆتنێ یە رۆژا پێنجشەمبییێ 7ێ گولانا 2026ێ، عەلی زەیدی، سەرۆکوەزیرێ راسپاردی، کارنامەیا وەزاری یا حکومەتا نوی یا ئیراقێ پێشکێشی هەیبەت حەلبووسی سەرۆکێ پەرلەمانی کر، لێ هەتا نوکە پەرلەمانی چز ژڤانەک بۆ باوەریدان ب کابینەیا وی دیار نەکرییە.

ل گۆرەیی دەستوورێ ئیراقێ، سەرۆکوەزیرێ راسپاردی ب تنێ 30 رۆژ ل بەر دەستی بۆ پێکئینانا کابینەیا حکومەتێ و وەرگرتنا باوەرییێ ژ پەرلەمانی هەنە.

پرۆسەیا پێکئینانا حکومەتێ ل ئیراقێ بەردەوام ل سەر بنەمایێ پشکپشکێنییێ و رێککەفتنا ئالییێن سەرەکی دهێتە برێڤەبرن و گەلەک جاران تووشی پاشکەفتنێ دبیت.