گاڤ

پشتی بۆرینا سالەکێ، راهێنەرێ ب ناڤ و دەنگ سێ ئیراقی "عەبدولغەنی شەهد" جارەکا دی ڤەگەرییا هەمبێزا یانەیا زاخۆ دا ب مەبەستا "نڤیسینا دیرۆکەکا نوی" ل گەل یانەیێ.

سێشەمبییێ 19ێ گولانا 2026ێ، یانەیا زاخۆ د بەیانەکێ دا راگەهاند، "ئەم دێ پێکڤە شەڕی بۆ نڤیسینا دیرۆکێ کەین و دێ ل کەلها سۆر ئەم هەمی پێکڤە بەرەڤانییێ ژ درێسێ سۆر و سپی یێ یانەیا زاخۆ کەین".

هەروەسا یانەیا زاخۆ ب گەرمی پێشوازییا ڤەگەریانا ناڤبری کر و داخوازا سەرکەفتنێ بۆ د ئەرکێ وی یێ نوی دا ل گەل تیمێ کر.

ل گۆرەیی یانەیا زاخۆ، کادرێ راهێنەران یێ یانەیێ ب ڤی رەنگییە:

● عەبدولغەنی شەهد - راهێنەر

● ساید سوەیدان - هاریکارێ راهێنەری

● حەیدەر نەجم - هاریکارێ راهێنەری

● هەرژەنگ ئەبابەکر - راهێنەرێ شیانێن لەشی

● نەبیل عەواد - راهێنەرێ گۆلپارێزان

یانەیا زاخۆ ئاماژە ب وێ یەکێ ژی کر، ب پشتەڤانییا جەماوەری، دێ گاڤێن سەرکەفتنێ هاڤێژن و ئاستەکێ ژ هەژی د خۆلێن بهێن دا پێشکێش کەن.