گاڤ

جڤاتا بلند یا دادوەری یا ئیراقێ، راپۆرتەکا فەرمی ل سەر ئامارێن هەڤژینییێ و جودابوونێ بۆ مەها نیسانا بۆری بەلاڤکر. ئامار وێ یەکێ دیار دکەن، ل گەل زێدەبوونا رێژەیا هەڤژینییێ، جودابوون ژی ل ئیراقێ رویبروی زێدەبوونەکا بەرچاڤ بوویە.

ل گۆرەیی راپۆرتێ کو ئەڤرۆ رۆژا سێشەمبییێ 19ێ گولانا 2026ێ هاتییە  بەلاڤکرن، د مەها نیسانێ دا 31 هزار و 499 گرێبەستێن هەڤژینییێ هاتینە تۆمارکرن، کو ئەڤ رێژەیە ب هەڤبەرکرن ل گەل مەها پێشتر (ئادارێ) 58% زێدەبوویە، ب رەنگەکی 12 هزار و 943 گرێبەستێن نوی زێدەتر هاتینە تۆمارکرن.

ل هەمبەر ڤێ چەندێ، رێژەیا جودابوونێ ژی د هەمان دەم دا 24% زێدەبوویە، ب تۆمارکرنا شەش هزار و 628 حالەتێن جودابوونێ، کو دبیتە هزار و 553 حالەتێن زێدەتر ب هەڤبەرکرن ل گەل مەها ئادارێ.

ل سەر ئاستێ پارێزگەهان:

● بەغدا: پلەیا ئێکێ د هەڤژینییێ دا گرتییە ب تۆمارکرنا حەفت هزار و 934 گرێبەستێن هەڤژینییێ، کو دبیتە 25% ژ تێکڕایێ گشتی یێ ئیراقێ. هەروەسا د جودابوونێ دا ژی ل پلەیا ئێکێ یە ب دو هزار و 665 حالەتان، کو دبیتە 40.20% ژ تێکڕایێ جودابوونێن ئیراقێ پێکدئینیت.

● موسەننا: کێمترین رێژەیا جودابوونێ تێدا هاتییە تۆمارکرن، کو 611 حالەت بوون، هەروەسا کێمترین رێژەیا هەڤژینییێ ژی ل ڤێ پارێزگەهێ بوویە ب تۆمارکرنا 840 گرێبەستان.