گاڤ

یانەیا ئنتەرمەیامی یا ئەمریکی زانیاری ل دۆر هنگافتنا مێسێ بەلاڤکرن و مزگینیەکا خۆش ژی ددەتە پشتەڤانێن هەلبژارتییێ ئەرجەنتینێ.

یانەیا ئنتەرمەیامی د راگەهاندنەکا فەرمی دا، ل دۆر دەرکەفتنا مێسی ژ یارییا بەرامبەر فیلادێلفیا د خۆلا ئەمریک یدا، راگەهاندنەک بەلاڤکر و گۆتییە: "پشتی ئەنجامدانا پشکنینێن نوشداری، یاریکەر ل رەخێ پشتێ یا ماسوولکەیێن رانێ خۆ یێ چەپێ هەست ب ماندیبوونێ دکەت، زڤرینا وی بۆ ناڤا یاریگەهان گرێدایە ب وەرگرتنا چارەسەرییێ و پێگیربوونێ ب چارەسەرییان".

ل دویف زانیارییێن میدیایێن ئەرجەنتینێ، خودانێ هەشت بالۆندۆران تنێ پێدڤی ب نێزیکی دەهـ رۆژانە داکو ب تەمامی چاک ببیت ب زڤریتە یاریگەهان.

ل دویف نووچەیێن میدیایا ئەرجەنتینێ، ب پشتراستی ڤە مێسی دێ بۆ مۆندیالێ ئامادە بیت، بەس حەتا نوکە مێسی ب فەرمی رانەگەهاندییە کا دێ پشکدارییێ د مۆندیالێ دا کەت یان نە.

هەلبژارتییێ ئەرجەنتینێ یێ خودانێ مۆندیالا بۆری، ئێکەم یارییا خۆ د مۆندیالا 2026ێ دا دێ ل 16ی هەیڤا 6 ل کانساس سیتی بەرامبەر جەزائیرێ ئەنجامدەت.