گاڤ - تایبەت - مازن شنگالى

پشتى وەلاتییان پەیوەندى ب گاڤ کرى و دیارکرى کو کۆمپانى بەرسڤا پەیوەندیێن وان نادەن، گاڤ دویفچوون کر و دیاربوو، کو ئەو غازا بۆ پارێزگەها دهۆکێ دهات هەر تانکەرەکى 20 تەن هەلنەگرتینە بەلکو کێمتر بوویە وژ شڤێدى وەرە جارەکا دى دروست بوویە.

مازن شنگالى پەیامنێرێ گاڤ دویفچوونا بهایێ غازێ دکەت و دبێژیت: رۆژانە پێنج بۆ شەش تانکەرێن غازێ د گەهشتنە دهۆکێ و دڤیابا 20 تەن د هەر تانکەرەکى دابن، لێ ل گۆڕەیى زانیاریێن گاڤ چ تانکەران ئەو رێژەیا غازێ بارنەکربوو، بەلکو هندەک تانکەران 15 تەن و دبن پازدێ  ژى بارکربوون.

پەیامنێرێ گاڤ دیاردکەت، دبیت ئەڤە ئێک ژ ئەگەران بیت، لێ ژ شڤێدى تا نوکە ئەو تانکەرێن دهێنە دهۆکێ 20 تەنێن غازێ د ناڤ دانە.

ژ ئالییەکێ دى ڤە وەلاتى دبیژن ئەو پەیوەندیێ ب کۆمپانیێن غازێ دکەن لێ ئەو بەرسڤ نادەن و ئەگەر بەرسڤێ ژى بدەن دبێژن چەند دەمژمێرێن دى دێ غاز بۆ تە هێت و ناڤ دێ هێتە تۆمارکرن و بەرسڤا وان ئێدى ناهێتەدان.

هەروەسا ئاشکراکر، غازا حکومى بهایێ وێ 9 هزار دینارن و لێ ئەو غاز نینە، لێ ل جهێن بازرگانى ژى ب 16 بۆ 17 هزار دینارانە و ل پانزینخانەیان ژى گرانترە.