گاڤ

سەرۆکێ ئەمریکا دۆنالد ترەمپ راگەهاند، تۆم باراک، بالیۆزێ نوکە یێ ئەمریکا ل تورکیا، بوویە هنارتییێ تایبەت یێ سەرۆکاتییێ بۆ هەر ئێک ژ ئیراق و سووریێ. ترەمپی پەسنا کارێن باراکی کر و ئاشکرا کر، د پۆستێ خۆ یێ بالیۆزییێ ل تورکیا ژی دا دێ بەردەوام بیت.

ئێکشەمبییێ 31ێ گولانا 2026ێ، د بەلاڤکرنەکێ دا ل ترووس سۆشیال، دۆنالد ترەمپ راگەهاند، دەستنیشانکرنا تۆم باراک وەک هنارتییێ تایبەت بۆ ئیراق و سووریێ د دەمەکی دایە کو "هاریکارییێن مە یێن ستراتیژی ل گەل حکومەتێن سووریێ و ئیراقێ بەرەڤ پێش دبرین و پەیوەندییێن مە ل گەل وان بەردەوام د گەشەکرنێ دانە."

ل گۆرەیی راگەهاندنا ترەمپی، تۆم باراک دێ د پۆستێ خۆ یێ بالیۆزێ ئەمریکا ل تورکیا مینیت و د هەمان دەم دا دێ ئەرکێ هنارتییێ تایبەت یێ سەرۆکاتییێ بۆ ئیراق و سووریێ ژی برێڤەبەت.

ترەمپی ئاماژە ب وێ یەکێ ژی کریە، باراک "ب پشتەڤانیا تەمام یا وەزارەتا دەرڤە یا دویلایەتێن ئێکگرتی" دێ کارێن خۆ کەت.

سەرۆکێ ئەمریکا نڤیسییە: "مە سوپاسییەکا مەزن یا هەیی بۆ وان کارێن تۆم باراکی کرین و بەرهەڤییا وی یا بەردەوام بۆ خزمەتکرنا وەلاتێ مە."