گاڤ

دۆنالد ترەمپ، سەرۆکێ ئەمریکا هێرشی بنیامێن نەتەنیاهۆ، سەرۆکوەزیرێ ئسرائیلێ کر و مرۆڤەکێ دین و شێت ب ناڤ کر.

مالپەرێ ئەکسیۆس ژ زارێ دو بەرپرسێن ئەمریکی راگەهاند: دوهی ئێڤاری دۆنالد ترەمپی ب رێکا تێلەفۆنێ هێڕشەکا توند کرییە سەر بنیامێن نەتەنیاهۆیی. ترەمپ ژ هێڕشێن بەردەوام یێن ئسرائیلێ ل سەر لوبنان و حزبوللایێ یێ تۆرە یە.

پێشتر ئیرانێ چەندین جار گەفێن ڤەکێشانێ ژ دانوستاندنان ژ ئەگەرێ هێرشێن ل سەر لوبنانێ کرینە.

ترەمپی گۆتیە نەتەنیاهۆیی: "تو مرۆڤەکێ دینی و تە مێشکێ خۆ یێ ژ دەست دایی، ئەگەر ئەز نەبام نوکە تو دا د زیندانێ دا بی و من تو یێ رزگارکری. ژبەر کریارێن تە کەربێن هەمی کەسان ژ تە و ئسرائیلێ ڤەدبن".