گاڤ

چارچۆڤێ هەماهەنگییێ سەرۆکوەزیرێن ئیراقێ سەرپشککر بۆ گرتنەبەرا رێکار و بڕیارێن پێدڤى یێن پەیوەندیدار ب سنۆردارکرنا چەکى د دەستێ دەولەتێ دا و ئاشکراکر، حەشدا شەعبى سازییەکا ئێمناهییێ یا فەرمى یە.

چارچۆڤێ هەماهەنگییێ شڤێدى ب ئامادەبوونا عەلى زەیدى، سەرۆکوەزیرێن ئیراقێ کۆمبوو، چارچۆڤەیى عەلى زەیدى، سەرۆکوەزیرێن ئیراقێ سەرپشککر بۆ گرتنەبەرا رێکار و بڕیارێن پێدڤى یێن پەیوەندیدار ب سنۆردارکرنا چەکى د دەستێ دەولەتێ دا.

هەروەسا ئاشکراکر، بڕیارا شەڕى و ئاشتیێ ب دەست سازیێن فەرمى یێن دەولەتێ یە و پشتەڤانییا خۆ بۆ سنۆردارکرنا چەکى د دەستێن دەولەتێ دا دوپاتکر.

چارچۆڤێ هەماهەنگییێ دیارکر ژى حەشدا شەعبى سازییەکا ئێمناهییێ یا فەرمى یە و پابەندە ب دەستوورى و یاسایێن کارا و فەرمانا فەرماندەیێ گشتى یێ هێزێن چەکدار.