گاڤ

پەیڤدارێ پارتى دیمۆکراتى کوردستان ئەو کێشەیێن ل گەل حکومەتا ئیراقێ ل گەل هەمى ئاستەنگێن رووبڕووى هەرێمێ دبن بۆ دانوستاندنانە.

مەحموود محەمەد، پەیڤدارێ پارتى دیمۆکراتى کوردستان د کۆنگرەیەکێ رۆژنامەڤانى دا گۆت: پەیڤدارێ پارتى دیمۆکراتى کوردستان ئەو کێشەیێن ل گەل حکومەتا ئیراقێ ل گەل هەمى ئاستەنگێن رووبڕووى هەرێمێ دبن هاتینە بجهـ هێلان بۆ دانوستاندنێ و دوپاتکر، پارتى نوکە خودان دیتنەکا زەلالە.

هەروەسا ئاشکراکر، بەرنامەیەکێ ب کریار بۆ سەرەدانا ئالییێن سیاسى هەیە، وەک سەرۆک بارزانى پێشتر ئاماژە پێ دایە و بڕیارە ل دەمەکێ نێزیک یان چەند رۆژەکێن بهێن ئەو بەرنامەیە دێ هێتە بجهـئینان و ئاشکراکر، تا نوکە چ دەمەک بۆ کۆمبوونا ناڤبەرا پارتى و ئێکەتیێ دا نەهاتییە دیارکرن و پارتى پشتەڤانا دەستپێشخەرییا ئێکگرتوویا ئیسلامى یە و دوپاتکر، ئەو دێ بزاڤان کەن هەموو ئالییەک چ ئەوێن ئۆپزسیۆن یان یێن ل دەستهەلاتێ ژى خۆ ب بەرپرسا بزانن بەرامبەر پاراستنا دەستکەفت و هەرێما کوردستانێ.

دیارکر ژى، پارتى گەشبینە بۆ گەهشتن ب رێککەفتنێ ل پاشەرۆژێ و گۆت: د دانوستاندنان دا پارتى دێ دیتنا خۆ ل سەر هەر پرسەکێ هەبیت و ئەگەر ئالى ل سەر داخوازیێن خۆ پێداگیر بن دێ دەرگەهەکێ دى هێتە دیتن.

مەحموود محەمەد زێدەتر دبێژیت: خەلکێ کوردستانێ ماندى یە و دەنگ ب ئالییان دایە بۆ وێ یەکێ پەڕلەمان، حکومەت و سەرۆکایەتییا هەرێمێ بهێنە پێکئینان و ئەگەر ئالى نەگەهشتنە رێککەفتنێ ل وى دەمى دێ هەرێم چیتە قۆناغەکا دى یا هەلبژارتنان.

دازانین ژى چارە ئەوە هەموو ئالى رێکبکەڤن بۆ پێکڤەکارکرنێ بۆ چارەکرنا وان کێشەیێن هەیى، بەلێنە بۆ چارەیەکا دى و دڤێت ئالی و بێ جوداهى کێشەیان چارە بکەن.