گاڤ

عەسائیب ئەهل ئەلحەق راگەهاند، ئەو دێ ژ حەشدا شەعبى ڤەبن و تەڤلى سوپایى بن و لژنەیەک ژى بۆ گرتنەبەرا رێکاران پێکئینا.

دوهى چارچۆڤێ هەماهەنگییێ کۆمببوو و داخواز ژ سەرۆکوەزیران کربوو پێڕابوونان بگریتە بەر بۆ وێ یەکێ چەک هەمى ب کەڤیتە د دەستێن دەولەتێ دا.

ئەڤرۆ سپێدێ عەسائیب ئەهل ئەلحەق، کو قەیس خەزعەلى رێبەراتییا وان دکەت د بەیانەکێ دا دیارکر، ئەو دێ ژ حەشدا شەعبى ڤەبن و دێ چنە د چارچۆڤێ سازیێن ئێمناهییێ یێن دەولەتێ دا و چەکێ خۆ ژى دێ رادەستى سەرۆکێ هێزێن چەکدار یێن ئیراقێ کەن.

جەواد تلێباوى سەرۆکێ لژنێ یە و هەر ئێک ژ رافد ساحل، عەبدوللا شاکر و عەلى حەمزە دێ ئەندامێن لژنێ نە و دێ رێکاران گرنە بەر.