گاڤ

ئیرانێ هێرشى ئیمارات، کوێت و بەحرێنێ کر و سێنتکۆم رادگەهینیت، هێرشێن وان هاتینە تێکشکاندن و وان ژى بنگەهەکێ سەربازى یێ ئیرانێ کریە ئارمانج.

پشتى نیڤا شەڤێ یا شڤێدى سوپایێ ئیرانێ ب مووشەک و درۆنان هێرشى هەر ئێک ژ وەلاتێن ئیمارات، بەحرێن و کوێتێ کر، فەرماندەیا ناڤەندى یا سوپایێ ئەمریکا (سێنتکۆم)ێ راگەهاند، وان بەرسڤا هێرشێن درۆنى و مووشەکى یێن ئیرانێ ل رۆژهەلاتا ناڤین دایە و ئاشکراکر، وەک بەرسڤەک ئەمریکا بنگەهەکێ ئیرانێ یێ سەربازى ل گزیرتا قشم کریە ئارمانج.

سێنتکۆم دیاردکەت، هێرشا ئیرانێ ب مووشەکێن بالستى و درۆنان هاتییەکرن و دو مووشەک هاڤێتینە کوێتێ، لێ ب رێکێ ڤە کەفتینە.

ل گۆڕەیى فەرماندەیا ناڤەندى یا سوپایێ ئەمریکا ئیرانێ سێ مووشەک ئاراستەیى بەحرێنێ کرینە و بەرگرییا ئەسمانى یا ئەمریکا و بەحرێنێ ئێخستینە.