گاڤ

بریارە ئەڤرۆ شاندەکێ حکومەتا هەرێما کوردستانێ و نوینەرێن کۆمپانییێن بەرهەمئینانا پەترۆلێ سەرەدانا بەغدا بکەن و ل گەل سەرۆکوەزیرێ ئیراقێ کۆمببن و تەوەرێ سەرەکی یێ کۆمبوونێ دێ بەرهەمئینانا پەترۆلێ بیت.

ل گۆرەی زانیارییێن گاڤ، نوینەرێن 11 کۆمپانییێن بەرهەمئینانا پەترۆلێ یێن ل هەرێمێ کار دکەن دێ ل گەل شاندا حکومەتا هەرێمێ بەرەڤ بەغدا چن. بریارە ئەڤرۆ دەمژمێر 2:00 پشتی نیڤرۆ ل گەل عەلی زەیدی، سەرۆکوەزیرێ ئیراقێ کۆمببن. مژارا سەرەکی یا کۆمبوونێ دێ پرسا پەترۆلێ بیت.

کۆمپانییێن پەترۆلێ دێ داخوازا گرەنتیکرنا کارێ خۆ و دوبارەنەبوونا هێرشێن درۆنی کەن. رێککەفتنا د ناڤبەرا کۆمپانیان و حکومەتێن هەولێر و بەغدا ژی تەوەرەکێ سەرەکی یێ کۆمبوونێ یە کو بریارە ل دویماهییا ڤێ هەیڤێ بدویماهیک بهێت. قویناغا پشتی ڤێ رێککەفتنێ و چەوانییا کارکرنا کۆمپانییان دێ هێتە بەحسکرن.

جڤاتا وەزیرێن ئیراقێ دوهی سێشەمبی پلانا وەزارەتا پەترۆلێ بۆ زێدەکرنا شیانێن هنارتنا پەترۆلێ پەسەندکر، کو بریارە د دوی قویناغان د دەمێ دو هەیڤ و نیڤان دا هنارتنا پەترۆلێ ب رێکا بۆریان ژ 220 هزار بەرمیلان بۆ 770 هزار بەرمیلان زێدە بکەن.