گاڤ – تایبەت

ژێدەرەکێ ژ وەزارەتا کارەبێ ئەگەرێن کێبوونا بهایێ کارەبێ ب رێکا گاڤ ئاشکرا دکەت و سێ ئەگەر ژى ب یین سەرەکى دانە زانین و ئاشکراکر، ل چەند دەمژمێرێن بهێن کارەب دێ گەلەک باشتر بیت.

دەما چەندین رۆژانە جارەکا دى کارەبا 24 دەمژمێرى تێک چوویى و ل سەرانسەرى پارێزگەها دهۆکێ جارەکا دى موەلیدەیێن ئەهلى دەست ب هەلکرنا موەلیدەیێن خۆ کریە دا وێ ڤالاهییێ پڕ بکەن.

ژێدەرەکى ژ وەزارەتا کارەبێ بۆ گاڤ راگەهاند، سێ ئەگەرێن سەرەکى نە کارەب کێم ببیت، کو ئێک ژ وان وەرزێ گەرمێ ئەڤە بۆ دەما چەند رۆژەکان دەستپێکرى و خواست ل سەر کارەبێ زێدە بوویە، بەرهەمئینان ژى هەر وەک خۆ یە.

هەروەسا ئاشکراکر، پشکەک ژ کارەبا هەرێما کوردستانێ بۆ هندەک ژ پارێزگەهێن ئیراقێ دچیت و ئەو ژى کارتێکرنێ ل دانا دەمژمێران دکەت.

وى ژێدەرى ژ وەزارەتێ دازانین ژى کو ب ئەگەرێ شەڕێ ئەمریکا و ئسرائیل ل گەل ئیرانێ و مەترسییا ل سەر کارمەندان بەرهەمئینانا غازێ ل کێلگەها کۆرمۆر بۆ کارەبێ کێم بوویە.

دیارکر ژى تیمێن وەزارەتێ ل گەل وەزارەتا سامانێن سروشتى و ئالیێن پەیوەندیدار یێن حکومەتا هەرێما کوردستانێ مژوولى چارەکرنا وان کێشەیانە و ل دەمەکێ نێزیک دێ کارەب ڤەگەڕیتە رەوشا جاران.