گاڤ

ئەڤ سالە ئێکەم حالەتێ تۆشبوونێ ب نەخۆشیا تایا خوینبەربوونێ ل دهۆکێ هاتە تۆمارکرن و تۆشبوو زەلامەکێ 47 سالی یە.

وەزارەتا ساخلەمییێ راگەهاند: حالەتەکێ تایا خوینەربوونێ ل هەرێما کوردستانێ ل پارێزگەها دهۆکێ هاتە تۆمارکرن، تۆشبوو زەلامەکێ ئاکنجییێ گوندی دوگرێ ل ناحیا سنوونێ یە سەر ب قەزا شنگال ڤە ل پارێزگەها نەینەوا و تەمەنێ وی 47 سالن.

پشتی چەندین جاران ژ سەردانا نەخۆشخانێ، قەستا نەخۆشخانا دهۆکێ کریە و نوشدارێن دهۆکێ حالەتێ وی پشتراستکرییە و وەک تۆشبوویێ تایا خوینبەربوونێ تۆمارکرییە.

کەسێ تۆشبوو شڤانە و سەرەدەرییێ ل گەل ئاژەلی دکەت، ل نەخۆشخانا دهۆکێ چەندین رێکارێن ساخلەمییێ بۆ وی گرتینە بەر و چارەسەرییێ وەردگریت. نوکە د بن چاڤدێرییا نوشداران دایە و رەوشا ساخلەمییا وی یا باش نینە.