ترەمپ: دبیت ل گەل موجتەبا خامنەیی کۆمبم
بەلاڤ بکە
گاڤ
سەرۆکێ ئەمریکا دۆنالد ترەمپ دۆپات کر کو ئیران رازیبوویە چەکێ ئەتۆمی نەبیت، ئاماژە ب وێ یەکێ کر کو پێشهاتێن گرێدای پرسا ئیرانێ ب لەز دچنە پێش.
ترەمپی گۆت: رەوشا دەڤەرێ و بابەتێ ل گەل ئیرانێ د قویناغا بهێت دا دێ گەلەک باش بیت، و ئاماژە ب وێ یەکێ ژی کر کو موجتەبا خامنەیی، رێبەرێ بلندێ کۆمارا ئیسلامی یا ئیرانێ د دانوستاندنێن نوکە یێن دناڤبەرا هەر دو وەلاتان دا یێ پشکدارە.
هەروەسا گۆت: دبیت د پاشەرۆژێ دا ل گەل موجتەبایی کۆم بم. د هەمان دەم دا پێشبینی کر کو بهایێ پانزینێ پشتی ب دوماهیکهاتنا شەڕێ نوکە داکەڤیت.
ل دۆر باشۆرێ لوبنانێ سەرۆکێ ئەمریکا گۆت: من پەیوەندیەکا توند ل گەل نەتەنیاهۆی هەبوو و ئەز یێ دلگرانم ژ بەردەوامییا شەڕێ وی لگەل لوبنانێ.
ئەی بی سی نیو) ئەڤرۆ سپێدێ ژ زارێ هندەک ژێدەران راگەهاند کو ترەمپ داخواز ژ تەهرانێ کرییە هندەک پاشڤەچوونان د بابەتێ ئەتۆمی ب نڤیسین پێشکێش بکەن، وەک پشکەک ژ رێککەفتنەکا دەستپێکی ب مەرەما دەربازبوونا ئاستەنگان دناڤبەرا واشنتۆن و تەهرانێ دا.
