بەنگین رێکانی بوو سەرۆکێ دەستهەلاتا فرۆکەڤانییا مەدەنی یا ئیراقێ
بەلاڤ بکە
گاڤ
سەرۆکوەزیرێن ئیراقێ د نڤیسارەکا فەرمی دا، بەنگین عەبدوللا رێکانی ب فەرمی بۆ پۆستێ سەرۆکێ دەستهەلاتا فرۆکەڤانییا مەدەنی یا ئیراقێ دەستنیشان کر.
چارشەمبییێ 3ێ خزیرانا 2026ێ، ئێحسان یاسین عەوادی، ڕێڤەبەرێ نڤیسینگەها سەرۆکوەزیرێن ئیراقێ د نڤیسارەکێ دا ئاماژە ب وێ چەندێ کریە، وەک پێدڤییەک بۆ بەرژەوەندییا گشتی و ل دویڤ رێنمایێن سەرۆکوەزیرێن ئیراقێ، ل گۆرەیی وان دەستهەلاتێن د چوارچۆڤەیێ دەستوور و یاسایێن بەرکار دا ب مە هاتینە دان، بریار هاتە دان ب راسپاردنا بەنگین عەبدوللا رێکانی بۆ ئەرکێ سەرۆکێ دەستهەلاتا فرۆکەڤانییا مەدەنی یا ئیراقێ.
د نڤیسارێ دا هاتیە دیارکرن، ئەڤ بریارە هەر ژ دەما دەرکەفتنا وێ دێ چیتە د بیاڤێ بجهئینانێ دا و هەمی ئالییێن پەیوەندیدار پێگیری بجهئینانا وێ ببن.
بەنگین عەبدوللا رێکانی، سیاسی و بەرپرسەکێ دیار یێ کوردە ل ئیراقێ و سەر ب پارتی دیمۆکراتی کوردستانە، د کابینەیا پێشتر دا وەزیرێ ئاڤادانکرنا ئیراقێ بوو.
