گاڤ

دوهی عەدنان فەیحان دلێمی، جێگرێ ئێکێ یێ سەرۆکێ پەرلەمانێ ئیراقێ داخواز ژ حکومەتا فیدرالی کربوو مووچەیێ فەرمانبەرێن هەرێمێ نەهنێریت و گۆتبوو کو هەرێمێ داهاتێ پێنج هەیڤێن سالا 2025 نەهنارتینە.

وەزارەتا دارایی نڤیسییە: هەرێما کوردستانێ هەمی پێگرییێن خۆ ل گۆرەی قانوونا ئیدارەیا دارایی یا ژمارە 6 یا سالا 2019 و قانوونا بۆدجەیا گشتی یا فیدرالی یا ژمارە 13 یا سالێن  2023، 2024 و 2025 بجهئیناینە.

حکومەتا هەرێمێ پشکا خۆ یا داهاتێ ناڤخۆ ل سالا 2025 ب تەمامی و ل گۆرەی رێککەفتنا ل گەل حکومەتا بەرێ هنارتییە.

ل هەمبەر دا ئیراقێ بتنێ مووچەیێ 10 هەیڤێن سالا بۆری هنارتییە و مووچەیێن هەیڤێن 11 و 12 نەهنارتینە.

ل سالا 2026ێ ژی هەر ل گۆرەی رێککەفتنێ داهاتێ ناڤخۆ یێ هەیڤێن 1، 2، 3، 4 و 5 هنارتییە، لێ ژبەر ڤی شەری و و نەگەهشتنا رێککەفتنێ ل دۆر سیستەمێ ئەسیکۆدا و کێمبوونا داهاتێ ناڤخۆ، ل هەردو هەیڤێن 3 و 4 داهات ب تەمامی نەهاتییە هنارتن و هندی هەیی، نیڤا وی ل گۆرەی رێککەفتنێ هاتییە هنارتن.

باشتربوو جێگرێ ئێکێ یێ سەرۆکێ پەرلەمانی ل چارەیێن قانوونی و دەستووری بۆ بابەتێ خەرجییێن فعلی گەریابا.

ژبەر بجهئینانا ڤی بەندی، شایستەیێن دارایی یێن هەرێمێ ژ بۆدجەیا گشتی ب تەمامی نەهاتینە هنارتن، ئەڤە بەس ل گەل هەرێمێ هاتییە کرن و ل گەل پارێزگەهێن ئیراقێ نەهاتییەکرن.

داخوازکرنا راگرتنا مووچەیێ پشکەکا وەلاتییان بتنێ، جهێ مەندوهۆشییێ یە و تایبەت ئەگەر کەسەکێ پۆستێ جێگرێ سەرۆکێ پەرلەمانی هەبیت و ڤێ داخوازییێ بکەت.

ئامارێن هنارتنا داهاتێ ناڤخۆ بۆ ئیراقێ ل گۆرەی سال و هەیڤان:

هەیڤا ئێک یا سالا 2025ێ – 51,895,457,877

هەیڤا دو یا سالا 2025ێ – 48,722,239,000

هەیڤا سێ یا سالا 2025ێ – 48,205,765,000

هەیڤا چار یا سالا 2025ێ – 50,522,750,000

هەیڤا پێنج یا سالا 2025ێ – 120,000,000,000

هەیڤا شەش ج یا سالا 2025ێ – 120,000,000,000

هەیڤا حەفت یا سالا 2025ێ – 120,000,000,000

هەیڤا هەشت یا سالا 2025ێ – 120,000,000,000

هەیڤا نەهـ یا سالا 2025ێ – 120,000,000,000

هەیڤا دەهـ یا سالا 2025ێ – 120,000,000,000

هەیڤا ئێک یا سالا 2026ێ – 120,000,000,000

هەیڤا دو یا سالا 2026ێ – 120,000,000,000

هەیڤا سێ یا سالا 2026ێ – 43,094,141,000

هەیڤا چار یا سالا 2026ێ – 50,292,213,000

هەیڤا پێنج یا سالا 2026ێ – 120,000,000,000